ولاد الإيه استكتروا العلاوة عليه
هي وغيرها ملطشة زائد المهية
سندوتش الفول حصّل الحوواشي أذيّة
والزيت.. حار وانسخط قرص الطعمية
العيش بالخناق والدقيق المدعم متهرب
والرغيف طازة نقاوة للمطاعم متسرب
وتجار مواشي فرق العليقة متجرب
هجمة شرسة يوماتي حكاوي تستغرب
المواصلات ميكروباص سرفيس بالنفر تاكس
البنديرة فريرة فتحت ع الآخر إكس
والتُكتك مش حارجع ورا عكس
بص قدامك زمن العولمة والفاكس
فكرنا مرة ناكل كشري مصري
رز عدس مكرونة توليفة حصري
الرز شاط والعدس خلع جبته عصري
والعدس الاصفر زواروني في السنة قصري
والمكرونة عيلة متجانسة الكل حضور
تمن ريع مقصوصة وداير ميدور
اسباجتي شعرية رقبة وزة ولسان عصفور
مخبيش رجعت وكفيت ع الخبر مجور
الفراخ البيضة طلبوها مرة ضربت لخمة
اترميت ع الأرض دايخ جات لي أزمة
ع العموم الجمعة فسحة والفرجة ع اللحمة
قبل الزحمة بدري.. اطلبوا الرحمة
هي وغيرها ملطشة زائد المهية
سندوتش الفول حصّل الحوواشي أذيّة
والزيت.. حار وانسخط قرص الطعمية
العيش بالخناق والدقيق المدعم متهرب
والرغيف طازة نقاوة للمطاعم متسرب
وتجار مواشي فرق العليقة متجرب
هجمة شرسة يوماتي حكاوي تستغرب
المواصلات ميكروباص سرفيس بالنفر تاكس
البنديرة فريرة فتحت ع الآخر إكس
والتُكتك مش حارجع ورا عكس
بص قدامك زمن العولمة والفاكس
فكرنا مرة ناكل كشري مصري
رز عدس مكرونة توليفة حصري
الرز شاط والعدس خلع جبته عصري
والعدس الاصفر زواروني في السنة قصري
والمكرونة عيلة متجانسة الكل حضور
تمن ريع مقصوصة وداير ميدور
اسباجتي شعرية رقبة وزة ولسان عصفور
مخبيش رجعت وكفيت ع الخبر مجور
الفراخ البيضة طلبوها مرة ضربت لخمة
اترميت ع الأرض دايخ جات لي أزمة
ع العموم الجمعة فسحة والفرجة ع اللحمة
قبل الزحمة بدري.. اطلبوا الرحمة